Mikudagin 14. desember andaðist Martin Thomsen, prentari. Martin var ættaður úr Norðragøtu, føddur 19. september 1930.
14 ára gamal fór hann í læru á prentsmiðjuni í H.N. Jacobsens Bókahandli í Havn. Har starvaðist hann so øll árini, til hann gavst í tænastuni í vár.
Martin hevði sostatt ein langan arbeiðsdag í somu fyritøku. Síðstu árini stóð hann sjálvur fyri prentfyritøkuni. Í fjør heyst varð 60 ára starvsdagur hansara í gamla bókahandlinum hátíðarhildin við eini samkomu í gamla umhvørvinum, og 19. september í ár fylti Martin 75 ár.
Men nú var tími hansara, Martin, komin. Líka so stillan sum vit annars kendu Martin frá gerandisdegnum, fór hann av foldum hetta kvøldið 14. desember á veg til hús úr kvøldskúlanum.
Frá arbeiðsplássi og arbeiðsfeløgum og øllum hann samskifti við, fær Martin skotsmálið sum hin álítandi og vælgjørdi. Í øllum hann hevði um hendi og tók ábyrgd av, var hann burturav vælgjørdur.
Læruárini í Bókahandlinum vóru fimm. Hann byrjaði 9. november 1944, og sveinaprógvið tók hann í Danmark.
Tríggjar eru døturnar hjá Ragnu, ættað úr Klaksvík, og Martini. Tey settu búgv á Grønlandsvegi 34, úti í Grønlandi. Í hjúnalagnum eru døturnar Birita, Petra og Hildigunn. Barnabørnini eru 9.
Martin var virkin í Kirkjuligu heimamissiónini og formaður fyri Missiónshúsinum við Landavegin í Havn. Hann var drívkraftin í sunnudagsskúlanum við Landavegin og í Missiónshúsinum sum heild.
Martin hevur lagt vinkulhakan frá sær med alla, men vit vilja minnast henda fræga mann, sum altíð var fróðiligur, komst tú á tal við hann, við virðing, og lýsa frið yvir minni um hann.
jl
