Mítt blað - dag og vikublað
Sosialurin, Dimmalætting, Oyggjatíðindi, Norðlýsið og Garatisavísin
Mín heimasíða
Portal.fo, vagaportal.fo, dimma.fo, nordlysid.fo, politiken.dk, kramm.fo, grams.fo, plagg.fo, mess.fo og regluliga einar fimti aðrar, umframt tað leysa
Mín tónleikur
Beint nú er favoritturin ókeypis podcast download chill-tónleikur frá www.loungecast.net. Annars dámar mær nógv sløg av tónleiki og royni at fylgja við tí, sum hendir á føroyska og partvís útlendska tónleikapallinum. Nýggjastu útgávurnar hjá Guðrið Hansdóttir og Teiti eru super, og ”nýggi” Marius og Páll Finnur Páll eru kul á palli. Jazzur er altíð góður – serliga sendingarnar hjá Leivi Thomsen
Mítt sosiala netverk
Facebook – bæði mín egni profilur, og tann hjá Kramm.fo á Facebook. Annars er eitt nýtt føroyskt netverk ávegis fyri fólk, sum hava áhuga fyri, og arbeiða við og á internetinum. Tað gleði eg meg til.
Mín dvd
Skal eg navna nakrar, so Breaking the Waves , La vita è bella, The Shawshank Redemption, Down by law og Usual Subjects. Men tað eru eisini nógvir aðrir yndisfilmar.
Mítt magasin
Beint nú: Bo Bedre
Mín sjónvarpsrøð
Blackadder (ókeypis á netinum á video.google.com)
Mín bók
New York Triology hjá Paul Auster og nógvar aðrar.
Mítt útvarp
ÚF, Rás2, tær ymsu DR rásirnar (á netinum), umframt allar møguligar aðrar netrásir, m.a. frá iTunes
Mín telefon
Ein nærum fýra ára gomul Sony Ericsson, sum riggar fínt
Hvat vil tú ikki brúka miðlatíð uppá?
Lesið og hyggið eftir so at siga øllum
Hvat irriterar teg í miðlunum?
At teir almennu miðlarnir hava loyvi til at selja lýsingar og samstundis ”seta fólk í geglið”, um tey ikki betala lurtara- og hyggjaragjald fyri nakað, sum tey kanska hvørki lurta ella hygga eftir.
Hvat vil tú hava meiri av í miðlunum?
Eg vil ikki hava meira, men minni. Tað hevði bøtt um dygdina
