Endamálið við valstríðstiltakinum var at fáa atkvøður til republikanska forsetavalevnið, Donald Trump.
Musk hevur lovað, at hann fer at lata eina millión dollarar hvønn dag fram til amerikanska valið 5. november.
Ein millión dollarar svarar til stívliga 6,8 milliónir krónur.
Einasta kravið fyri at vera við í lutakastinum er, at tú skalt skriva undir áheitanina hjá Elon Musk á netinum til stuðul fyri sokallaðu 'first og second amendments' hjá USA.
Tað eru ískoytisgreinarnar í amerikansku grundlógini, sum tryggja rættin til talufrælsi og rættin at bera vápn.
Ritzau/Reuters
