Fýra fólk eru í løtuni innløgd við koronu. Hetta váttar Landssjúkrahúsið fyri in.fo beint nú.
Í gjár vóru tvey innløgd, men nú eru so tvey komin aftrat.
Trý fólk eru innløgd koronadelduni, og støðan hjá teimum er stabil hjá teimum. Aldurin hjá hesum er upp til 70 ár, upplýsir Landssjúkrahúsið.
Fjórði persónurin er til observatión á intensivari deild, men er ikki til intensiva viðgerð. Hetta er ein barnakona, og tí er man eyka ansin og hevur valt at hava hana undir observatión.
Vit frætta frá Landssjúkrahúsinum, at tey hava nokk av kapaciteti, skuldi fleiri fólk blivið innløgd komandi tíðina.
Ætlanin er eisini, at lonir verða settar upp uttanfyri, har koronadeild skal vera í framtíðini. Hetta verður gjørt, so at koronadeildin ikki skal ávirka virksemið á sjúkhúsinum annars, og har fær mann væl isolerað sjúklingarnar. Hetta verður nokk ikki klárt fyrr enn mánaðarskiftið.
Klokkan 12 verða tíðindini at hoyra á útvarpsrásini FM1, og har fer Bjarni á Steig, yvirlækni, at greiða nærri frá støðuni.
