Í dag møttust liðini hjá Natasju Hammer og Ingibjørg Olsen, Haukar og ÍBV aftur.
Í dag var talan um aðru hálvfinaluna í endaspælinum í bestu íslendsku hondbóltsdeildini, har Haukar høvdu heimavøll á Hafnarfirði.
Talan bleiv um drúgvan og javnan dyst, ið fór til longda leiktíð. Endin var, at Haukar vunnu dystin 25-24. Natasja skoraði sigursmálið tá ein minuttur var eftir av longdu leiktíðini.
Natasja gjørdist næstbesti málskjúttin hjá Haukum við fýra málum.
Samlaða støðan í hálvfinaluuppgerðunum, har spælt verður best av fimm dystum er nú javnleikur 1-1.
Triðja hálvfinalan verður leikt úti í Heimey komandi mikukvøld.
