Klaksvík: Á aðalfundinum há Norðoya Frítíðar- og Ítróttarráð her fyri var avgjørt at broyta nevndina í felagnum.
Framyvir verða trý fólk í nevndini fyri NFÍ, tí trupult hevur verið at manna eina nevnd við fimm limum.
Í nevndini hjá NFÍ sita Jan Gardar, sum er formaður, Símun Michael Sørensen og Nikolas Olsen.
? Nevndin hevur fyri tað mesta virkað sum trímannanevnd, hóast fimm limir hava verið valdir. Tí hava vit avgjørt at royna at arbeiða við trimum í nevndini, sigur Jan Gardar.
Norðoyastevnan
Størsta uppgávan hjá NFÍ er at skipa fyri norðoyastevnuni.
Í ár verður norðoyastevnan frá 8. til 10. juni, og í næstum fer NFÍ at kalla ymisku feløgini í Klaksvík saman til ein fyrireikandi fund um norðoyastevnuna.
? Vit ætla at tosa við feløgini fyri at vita, hvørjar ætlanir og hugskot til hava til norðoyastevnuna í ár, sigur Jan Gardar.
