Niklas er partur av spennandi uppflytingarstríði (FM1)

TRÝST á PÍLIN undir MYNDINI, og hoyr samrøðuna Sjúrður H. Hoydal, hondbóltsfrásøgumaður hjá FM1 gjørdi við landsliðsmálverjan, Niklas Simonsen sum er annar málverji hjá TMS Tønder.

TMS Tønder er í spennandi uppflytingarstríði í næstbestu donsku hondbóltsdeildini. Í løtuni er TMS Tønder nummar tvey við 35 stigum, men trý stig eru upp til oddaliðið Fredericia.

Tað er bert liðið sum endar á fyrsta plássi, ið flytur beinleiðis upp í bestu deildina. Nummar tvey og trý spæla best av trimum, og vinnarin spælir ímóti næstringasta liðnum í bestu deildini.

Niklas Simonsen er ikki so bjartskygdur um at vinna fyrsta plássið í næstbestu deildini. Hann roknar við, at TMS Tønder má út í nakrar dystir ímóti Skive, ið er á triðja plássi í næstbestu deildini fyri at at kunna vinna sær møguleikan at spæla um uppflyting til bestu deildina.

Sjúrður og Niklas umrøddu eisini komandi EM-uppgávurnar ímóti Ukraina á útivølli og á heimavølli ávikavist 10. og 13. apríl. 

Støðan (dhf.dk)