Í minsta lagi 25 fólk lótu lív, tá eldur leygarkvøldið kom í ein náttklubba í Arpora-økinum í Goa í India.
Fleiri av teimum deyðu starvaðust í køkinum, men sagt verður eisini, at fleiri ferðafólk eru millum tey deyðu.
Myndir vísa, at veggirnir í hølunum partvís eru dotnir saman, og stólar og borð liggja og sløðast inni í brendu hølunum.
Sambært indiskum miðlum sprongdist ein gassfløska, og eldur kom í náttklubban.
- Hetta er ein ræðulig hending, sum ongantíð skuldi verið hend, og náttklubburin varð rikin uttan loyvi, sigur ein ráðharri í India.
