Í annaðkvøld byrjar HM í hondbólti hjá kvinnum. Kappingin verður avgreidd í Danmark, Noregi og í Svøríki.
Verandi HM og EM-vinnarin, Noreg er í bólki saman við Eysturríki, Suðurkorea og Grønlandi.
Í annaðkvøld klokkan 19.30 spælir Noreg móti Grønlandi í DNB Arena høllini í Stavanger.
Noreg hitaði upp til HM-endaspælið við at vinna tríggjar dystir í kappingini Posten Cup í farnu viku.
Noreg vann í tí fyrsta dystinum 32-24 (16-14) á Angola. Í øðrum dystinum vann Noreg 31-21 (20-8) á Íslandi, og í tí triðja dystinum vann Noreg 27-25 (15-10) á Pólandi.
Norski HM-hópurin:
Málverjar: | Katrine Lunde, Marie Davidsen, Olivia Lykke Nygaard, Eli Marie Raasok |
Bakkar: | Stine Oftedal, Henny Reistad, Kristine Breistøl, Ingvild Bakkerud, Thale Rushfeldt Deila, Stine Skogrand, Nora Mørk, Kristina Sirum Novak, Maja Furu Sæteren |
Vengur: | Camilla Herrem, Sanna Solberg-Isaksen, Emilie Hovden |
Strikuspælarar: | Maren Nyland Aardahl, Kari Brattset Dale, Vilde Ingstad |