Skála Ítróttarfelag hevur í gjár eykaaðalfund, eftir at tað ikki eydnaðist at manna nevndina á seinasta aðalfundi. Hesa ferð eydnaðist.
- Eftir eykaaðalfundin í Skála Ítróttarfelag 30.03. er starvsnevndin nú mannað av Jógvan Andersen, Jóannes Prestá, Steingrím Jacobsen, Petur Anker Poulsen, Sveinur Ellefsen og Rókur Nilssen. Nevndin skipar seg sjálv, og tað verður kunngjørt ein av næstu døgunum, hvussu nevndin hevur skipað seg, skrivar Skála.
- Umframt val av starvsnevnd, var eitt uppskot til viðtøkubroytingar eisini lagt fram. Sambært hesum viðtøkubroytingum, verður nevndin framyvir vald á einum serskildum nevndarvali í 4. ársfjóðringi, meðan regluligi aðalfundurin sum vant verður hildin í 1. ársfjóðringi, har m.a. ársroknskapurin verður góðkendur.
- Við smærri broytingum bleiv uppskotið samtykt á aðalfundinum, og verða nýggju viðtøkurnar lagdar alment út, eftir at tær eru reinskrivaðar. Gott 50 limir vóru møttir til fund. Eftir loknan fund var høvi til eitt gott kaffiprát, og samanumtikið eru vónirnar góðar, nú lagt verður til brots í kappingarárinum hjá øllum deildum.
Besta mansliðið hjá Skála í næstbestu deildini, meðan kvinnuliðið spælir í Betri deildini hjá kvinnum saman við EB/Streymi.
