Trý størri og trý smærri ísfiskalínuskip eru í løtuni til fiskiskap undir Føroyum.
- Skipini fáa mest av hýsu og so nakað av toski, longu og brosmu. Vit rokna við, at øll skipini koma inn at landa í næstu viku.
Á Fiskamarknaði Føroya vita tey í dag at siga, at fýra frystilínuskip í løtuni fiska í íslendskum sjógvi, og fimm fiska undir Føroyum.
- Streymurin harðnar, sum næsta vika gongur, og veðrið verður umskiftandi.
Tí verður ikki roknað við nógvum útróðri í næstu viku.
