Eitt gosfjall á Reykjanesi í Íslandi er farið at goysa í kvøld.
Tað skrivar Reuters.
Tað er sætta gosið í økinum síðani desember í fjør.
Sambært íslendska kringvarpinum RUV váttar íslendska veðurstovan, at tað goysir.
Gosið byrjaði í Sundhnúks-gosopinum á Reykjanesi klokkan 21:26 íslendska tíð. Tað byrjaði umleið ein tíma eftir at jarðskjálvti hevði verið í økinum.
Býurin Grindavík liggur nærindis gosfjallinum. Har búgva sløk 4.000 fólk, men hevur í stóran mun verið afturlatin síðani árslok í fjør, tá íbúgvarnir fyrstu ferð fingu boð um at rýma.
/ritzau/