Upprunin til fótbóltin finna vit í Onglandi. Síðani EM 1996 hevur slagorðið verið “It’s Coming Home” eftir kenda sanginum hjá David Baddiel, Frank Skinner og The Lightning Seeds við heitinum Three Lions.
Fyri fyrstu ferð síðani 1996 er tað partvís rætt, tí London er ein av vertsbýunum. Wembley hevur enntá fingið tann heiðurin at hýsa hálvfinalu og sjálvari finaluni. So er spurningurin um tað eydnast Onglandi at vinna seg so langt í kappingini.
Framrætta er Ongland væl fyri við spælarum sum Raheem Sterling, Phil Foden, Jack Grealish, Jadon Sancho, Mason Mount og Harry Kane. Avbjóðingin liggur í verjuni og í málinum. Harry Magurie er ivasamur og avloysarnir hava ikki verið sannførandi. Tað er heldur ikki greitt hvør kemur at standa í mál, og Ongland hevur ongan Gordon Banks longur.
Skal vann seg lættliga víðari til EM-endaspælið, men fyrireikingarnar til endaspælið hava verið ávirkaðar av, at spælararnir hjá Manchester City, Manchester United og Chelsea hava verið upptiknir av Champions League og Europa League finalum.
Mett verður, at Ongland í ringasta føri kemur úr bólkaspælinum, men sum altíð, so so eru tey eisini nógv í trúgva upp á, at Ongland endiliga kann vinna eitt EM. Helst liggur svarið onkustaðni har í millum. Kanska ein brotssparkskapping móti Týsklandi í hálvfinaluni eins og í 1996?
##med2##
Bólkur D:
Ongland – Kroatia (14.00)
Dómari: Daniele Orsato, Italia
Leikvøllur: Wembley, London
Væntað uppstilling Ongland (4-3-3): Pickford - Walker, Stones, Mings, Trippier - Rice, Mount, Phillips - Sterling, Kane, Foden
Hópurin hjá Onglandi:
Málverjar:
Dean Henderson, Manchester United
Sam Johnstone, West Bromwich Albion
Jordan Pickford, Everton
Verjuspælarar:
Ben White, Brighton Hove & Albion
Ben Chilwell, Chelsea
Conor Coady, Wolves
Reece James, Chelsea
Harry Maguire, Manchester United
Tyrone Mings, Aston Villa
Luke Shaw, Manchester United
John Stones, Manchester City
Kieran Trippier, Atlético Madrid
Kyle Walker, Manchester City
Miðvallarar:
Jude Bellingham, Dortmund
Jordan Henderson, Liverpool
Mason Mount, Chelsea
Kalvin Phillips, Leeds United
Declan Rice, West Ham
Áleyparar:
Dominic Calvert-Lewin, Everton
Phil Foden, Manchester City
Jack Grealish, Aston Villa
Harry Kane, Tottenham
Marcus Rashford, Manchester United
Bukayo Saka, Arsenal
Jadon Sancho, Dortmund
Raheem Sterling, Manchester City