- Hetta verður í ólagi, sama hvat verður gjørt, tí feløg fáa ikki fígging til stutttíðar eksperiment. So einfalt er tað.
Tað sigur skrivarin í Felagnum Línuskip, Kristian Martin Petersen í Fuglafirði, sum eisini er reiðari á línuskipinum, Sandshavinum.
Hann vísir á, at í gjár var tað nýtt fyri honum, at 100 prosent av fiskiríkidøminum skal seljast á uppboðssølu, og í dag er tað nýtt fyri honum, at talan kanska verður um 15 ára veiðirættindi.
- Hví skulu vit so hava eina nýskipan? Tað einasta, sum vinnan spyr eftir, er, at fáa fastar karmar á politiska økinum.
Kristian Martin Petersen sigur, at á havinum eru nógvir x-faktorar, sum hann tekur til, og teir noyðist vinnan at loysa sum frægast.
- Men, tað verður ógjørligt at fáa endurnýgging í gamla fiskiskipaflotan, tá karmarnir eru so leysir - og ongantíð verri enn júst nú, sigur skrivarin í Felagnum Línuskip og línuskipareiðarin í Fuglafirði.
