Nýtt ár – sama City

Manchester City hevur vunnið ársins fyrsta dyst í Premier League. Við 2-1 sigri á útivølli móti Arsenal hevur Manchester City sett eina tjúkka striku undir, at felagið ætlar sær sítt fimta meistaraheiti upp á seks ár.

Tað var annars Arsenal, sum byrjaði nógv best. Heimaliðið var á odda 1-0 í hálvleikinum við máli, sum Bukayo Saka skoraði. Helst skuldi Arsenal eisini hvat fingið eitt brotsspark, har endurtøkur vísa at Ederson, málverjin hjá City, taklar Martin Ødegaard á fótin í brotsteiginum.

Stóra vedin kom, tá ein tími var spældur. Bernardo Silva tveitur seg í brotsteinum, men endurtøkurnar vísa, at Granit Xaka hjálpur til við at hála í troyggjuna. Eisini her verður farið til VAR, men nú dømdur dómarin brotsspark. Hetta til stóra ónøgd fyri heimaliðið.

Riyad Mahrez umsetti til 1-1. Minuttin seinnu mundi Manchester City gjørt sjálvmál, og upp á eftirfylgjandi uppspælið hjá Manchester City fær verjuspælarin hjá Arsenal, Gabriel, sítt seinna gula kort. Rokaligt og hendingaríkt.

Ongin steðgar Manchester City og tað sást eisini aftur, tá Rodri í yvirtíðini skoraði til 2-1. Manchester City er í løtuni 11 stig fremst í Premier League.