Tað var toppur ímóti botni, tá ið VB fyrr í dag tók ímóti Neistanum í høllini í Vági. Undan dystinum var Neistin á ovasta plássi, meðan VB var á niðasta plássi, og hendan støðan er ikki broytt eftir dagsins dyst.
Sum væntað vann Neistin dystin. Endaliga úrslitið gjørdist 28-21 til útiliðið. Tað leikaði tó javnt í fyrra hálvleiki, tí at hálvleiksstøðan var 13-13.
Neistin er oddalið í deildini við 23 stigum fyri 13 dystir, meðan VB bert hevur trý stig eftir 12 spældar dystir.
Málskjúttarnir í dystinum kunnu síggjast niðanfyri:
VB: Danijela Mistric 9, Gurið Mortensen 5, Rúna M. Jacobsen 2, Svava Vestergaard 2, Ingrida Koudyte 2 og Laila J. Eysturberg 1.
Neistin: Marjun Danberg 9, Nicoleta Hansen 5, Jacklin Durhuus 4, Eir Berg 4, Birita Jacobsen 3, Lilja Mohr 2 og Birita Wardum 1.
