Seinastu tíðina hava nógv fólk verið í gøtunum í fleiri enn hundað iranskum býum, har tey mótmæla landsins stjórn.
Sagt verður, at uppreisturin eitt nú hevur sína orsøk í búskaparligum skrædli.
Nú heldur leiðarin fyri Iran Human Rights, Mahmood Amiry-Moghaddam, at áhaldandi ófriðurin og mótmælini kunnu fara at fella landsins ovasta leiðara, ayatolla Ali Khamenei.
Miðeysturserfrøðingur heldur, at landsins stjórn hevur mist tamarhaldið á fólkinum og at tey krøkja seg til maktina við einari sterkari trygdarskipan.
Sambært Iran Human Rights eru í minsta lagi 45 mótmælisfólk dripin, og internetið er stongt um alt landið.
##med2##
Mótmælini og uppreisturin merkja lívið í gøtunum í iranska høvuðsstaðnum, Teheran, har eldur er í bilum og bygningum.
Eygleiðarar siga, at hetta eru størstu mótmælini móti stjórnini í Iran í fleiri ár, og higartil hevur uppreisturin vart í skjótt tvær vikur.
Kelda til hesi tíðindi úr Iran í nátt er www.tv2.no
