Nógvir bátar eru í Nólsoy í dag, og nógv fólk hevur ferðast út um fjørðin við Ternuni í allan dag.
Eisini stutt fyri midnáttarleitið í kvøld, tá Ternan enn einaferð kom úr Havn, var nógv fólk við.
Fyrrapartin og allan seinnapartin eru tað serliga tilkomin fólk og barnafamiljur sum vitja í Nólsoy.
Men, tá kvøldið kemur, og náttin nærkast, koma nógv ungfólk út at halda ovastevnu.
Á túrunum hjá Ternuni báðumegin midnátt í kvøld var ein hópum av ungdómum við út til Nólsoyar.
Trongsulin at sleppa úr Nólsoy og inn aftur til Havnar kemur vanliga ikki, fyrr enn náttin líður.
Á túrinum úr Nólsoy klokkan 23.30 í kvøld var nógv fólk við, men á Bursatanga í Havn stóð eisini nógv fólk, sum vóru á veg út til Nólsoyar.
Eitt slíkt kvøld er lagið gott umborð á Ternuni, og á túrinum úr Nólsoy klokkan 23.30 í kvøld varð bæði sungið og dansað umborð.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
