Trý partrolarapør eru til fiskiskap í løtuni, og skipini koma inn at landa, sum næsta vika gongur.
- Skipini, sum fiska upsa, hava smáligan fiskiskap, men skipini fáa eisini nakað av hvítum fiski.
Tað vita tey á Fiskamarknaði Føroya at siga í dag.
Tvey partrolarapør eru framvegis á gulllaksaveiði.
Ein djúpvatnstrolari er á svartkalvaveiði í bretskum sjógvi og kemur væntandi inn at landa í næstu viku.
- Ein frystitrolari er eisini í bretskum sjógvi og fiskar svartkalva.
Í løtuni er bara ein av teimum smáu trolbátunum til fiskiskap. Hann er á landleiðini og fær mest av flatfiski og toski.
- Trolbáturin kemur væntandi inn at landa fyrst í næstu viku, og ivasamt er, um aðrir fara út aftur fyri ólavsøku, verður lagt aftrat.
