Tá europeiska sangkappingin, Eurovision Song Contest, fer fram í Keypmannahavn tann 10. maj, er tað hoyvíkingurin Per Zachariassen, sum er høvuðsframleiðari av sendingini.
Eurovision Song Contest er ein av heimsins størstu sjónvarpssendingum og verður víst í fleiri enn 40 londum.
Í løtuni er Per Zachariassen í Keypmannahavn, har hann hevur ein arbeiðsdag á góðar 15 tímar og sum framleiðslustjóri hevur hann eini 600 fólk undir sær.
Í Rás2 Seinnaparti í dag verður práta við Per Zachariassen um hansara karrieru og Eurovision Song Contest. Rás2 Seinnapartur byrjar klokkan 13.
