Ein skottilburður í Ishøj í Keypmannahavn í kvøld hevur kostað einum fólki lívið.
Skottilburðurin verður kannaður sum ein »uppgerð í kriminella umhvørvinum«.
Tað upplýsir Københavns Vestegns Politi á Twitter.
Løgreglan fekk fráboðanina um skottilburðin klokkan 21:16 í kvøld.
Sambært Ekstra Bladet er økið sperrað, og fleiri sjúkrabilar hava koyrt frá staðnum, sum verður lýst sum eitt íbúðarøki.
Blaðið skrivar eisini, at løgreglan, sum er á staðnum, er alvápnað.
Á staðnum eru tveir oyðiligadir bilar á einum vegamóti. Annar hevur hol í forrútinum og í hurðini við førarasetrið, og har liggja nógv patrónshylstur á vegnum, skrivar Ekstar Bladet.
/ritzau/
