15. januar spælir føroyska manslandsliðið í hondbólti dyst í innleiðandi bólki D í EM-endaspælinum í Berlin í Týsklandi móti Pólandi.
Póland er longu í holt við at spæla venjingardystir undan EM-endaspælinum.
Í kvøld spældi Póland venjingardyst móti Argentina á heimavølli.
Póland vann dystin tepurt 27-26.
Tá fáir minuttir vóru eftir var Póland á odda 26-21, men teir mistu takið á dystinum seinastu minuttirnar, og tað endaði tí bert við einum teprum eittmálssigri.
Í steðginum var støðan javnleikur 13-13.
Komandi fríggjakvøld klokkan 19.30 spælir Póland aftur venjingardyst móti Argentina.
