Tjóðveldi skipar fyri politiskum fundi í Sjónleikarhúsinum í Havn í kvøld kl. 20
Tíðindaskriv
Valstríðið er so smátt farið í gongd. Sum tað er vorðið siðvenja, byrjar Tjóðveldi stríðið av álvara við politiskum ressingarfundi í høvuðsstaðnum. Eitt slag av fólkafundi, har røðarar, tónleikarar og skemtarar fara at fylla rúmið eina løtu, nú tvær vikur eru eftir til tað, sum eftir øllum at døma kann gerast lagnuvalið hjá føroysku tjóðini.
Hesin klassiski stórfundurin verður í ár hildin í Sjónleikarhúsinum fríggjakvøldið 4. januar kl. 20.00.
Skráin:
Ein vinnuprofilur, sum er boðin gestarøðari, gevur Tjóðveldinum eitt spark í politiska dintilin.
Hergeir Nielsen flytir fram røðu.
Uni Arge syngur og spælir.
Kristbjørg Toftegaard flytur fram røðu.
Heri Simonsen skemtar við tíðarbærari politiskari parodi.
Høgni Hoydal flytur fram eina alternativa nýggjársrøðu.
Kári Sverrisson syngur og spælir.
Tjóðhild Patursson flytur fram røðu.
Tórbjørn Jacobsen flytur fram røðu.
Heitt verður á fundarfólkið um at møta stundisliga. Sjúrður Skaale stjórnar.
