Eini 80-100 ungfólk stóðu rundan um pylsuvognin ella sótu á trappuni við hvør sínum hotdog.
Hetta var nú ikki ein upphiting til ólavsøkuna, men partur av hugnakvøldi, sum tey ungu í Ebenezer skipaðu fyri í sambandi við at farið verður yvir til summarskránna fyri ungdómstiltøkini í Ebenezer.
Í summar verða ungdómsmøtini flutt frá hóskvøld til leygarkvøld, og tá eru tey ungu í Lívdini eisini við til at skipa fyri. Nakrar hundrað pylsur fingu bein at ganga á hetta kvøldið.
