Í gjár fekk Heilsufrøðiliga Starvsstovan boð frá donsku sendistovuna í Beijing um, at kinesiskir myndugleikar hava áhuga at koma til Føroya.
Hetta hendir í kjalarvørrinum av, at vit síðst í mai fingu góðkent heilsuváttanina ið skal brúkast, tá fiskur og fiskavørur verða útflutt til Kina.??
Heilsufrøðiliga Starvsstovan sigur, at tað, kinesisku myndugleikarnir vilja síggja í Føroyum, er alivinnan.??
Men hetta er ein sera stutt vitjan.
Kinesararnir koma til Føroya leygarkvøldið 16. Juni og fara longu avstað aftur seinnapartin mánadagin 18. juni.
Tilsamans verða sjey fólk í kinesiska ferðalagnum og Heilsufrøðiliga Starvstovan er í løtuni í ferð við at fyrireika vitjanina.
Ætlanin er bæði at hava fund á Heilsufrøðiligu Starvsstovuni og at vísa kinesisku sendinevndini kanningarstovurnar.
Men ætlanin er eisini at kinesararnir skulu síggja eitt alibrúk og eitt kryvjivirki.??
