Longu mikudagin fer Rás2 at hita upp til ólavsøku, og rásin sendir eisini ólavsøkuaftan og ólavsøkudag.
Mikudagin er vanlig skrá á Rás2, men í fyrraparts- og seinnapartssendingini verður lagt upp til ólavsøkuhaldið, og um kvøldið vitjar Rás2 millum annað á ólavsøkukonsertini, sum verður hildin á Skálatrøð.
Ólavsøkuaftan og ólavsøkudag sendir Rás2 seinnapart og út á kvøldið. Gestir koma í studio, Rás2-fólk fara út á gøtuna at lodda dýpið, og livandi tónleikur verður at hoyra.
Ólavsøkukvøld endar við stóra brakinum í Vágsbotni, har Rás2 hevur sítt egna ólavsøkuhald við undirhaldi frá Pipar & Salt og tónleiki frá Terja Rasmussen. Hetta tiltak verður ólavsøkukvøld kl. 22.00, og tá verður pallur gjørdur uttanfyri studio hjá Rás2 í Miðlahúsinum, og fólk savnast í Vágsbotni. Undanfarin ár hava yvir 10.000 fólk verið savnað til hetta tiltak, og roknað verður við nógvum fólki aftur í ár.
Tey, sum fara at gera sendingarnar hjá Rás2 á ólavøku eru Barbara Holm (myndin), Eyðun Klakstein, Mirjam Pætursdóttir, Tróndur Arge, Heri Simonsen, Eyðfinn Drewsen, James Olsen, Jonhard Hammer og onnur.
