Kiwanisfeløgini løgdu lunnar undir árliga hjálmatiltakið, har allir 1. flokkarnir í Føroyum fáa handað hvør sín hjálm higartil við góðum stuðli frá Ferðslutrygd, MBM, Eik og Faroe Ship. Eisini hevur felagsskapurin síðani 1991 latið stuðul til gagns fyri føroysk børn. Í fjør lat Kiwanis Rósan stuðul til millum annað børn, hvørs foreldur vóru rakt av krabbameini, krabbameinsrakt børn og spælistovu til Kvinnuhúsið.
