Rætt við einari leiðslu

Leo Poulsen

Hvørki John Johannessen, Hel­ena Dam á Neystabø ella fyrrverandi lands­stýr­is­mað­urin, Hans Pauli Strøm, vórðu aft­urvald á løgtingsvalinum leygardagin.
Tað heldur John Johannessen er ein avleiðing av, at fólk ikki vilja tær broytingar, sum Javn­aðarflokkurin heldur verð­a neyðugar.
- Skúlareformurin er neyð­ug­ur, tí vit mugu fáa meira fyri pengarnar á økinum, nevn­ir John Johannessen sum eitt dømi.
Hann vit tó ikki gera nakr­ar metingar um, hvørt kósin hjá flokkinum er farin út av lagi.
- Vit mugu bara staðfesta, at velj­arin hevur felt dóm, og tann dómin mugu vit so bara taka til eftirtektar, sigur John Johannessen.
Hann viðgongur, at Javn­að­­ar­flokkurin hevði eitt vá­n­a­­ligt løgtingsval, og tað hevði hann eisini seinast.
- Men hvussu tað ávirkar Javn­­að­arflokkin ­haldi eg, at vit skulu lata okkum um at meta, sigur John Jo­hann­e­s­sen.
Hann heldur tó, at veljarin ikki tekur undir við teimum broyt­ingum, sum flokkurin hev­ur hildið eru neyðugar.
- Broytingar sum at fáa skúl­­a­verkið at verða eitt gott skúla­verk innan fyri ver­andi fíggjar­karm. At fáa heilsu­verk­ið at verða eitt gott heilsu­verk innan fyri verandi fíggj­ar­karm. At vit hava lagt upp til broytingar har er eitt greitt tekin um, at fólkið vil ikki tær broytingarnar. Trup­ulleikin er bara tann, at hallið á fíggjarlógini er eina hálva mill­iard í ár, so spurningurin er, um tað ikki er rætt at gera nakr­ar umstruktureringar. Nú er tað so upp til onnur at gera av, sigur John Jo­hann­es­sen.

Tíð heima
Hann heldur tó ikki tað var ein politiskt taktisk skeiv av­gerð at skjóta upp, at tey trý sjúkr­a­húsini skulu hava eina leiðslu.
- Nei, tað haldi eg als ikki. Eg haldi framvegis, at vit eiga at samankoyra sjúkr­a­húsverkið­, tí vit skulu minn­ast til, at vit eru bara 50.000 fólk. Vit hava trý fullkomiliga sjálv­støðug sjúkrahús, sum nær­um einki hava við hvørt annað at gera, sigur John Jo­hann­es­sen.
Hann heldur, at tað ber ikki til í einum so lítlum landi.
- Vit hava brúk fyri at styrkja fakligheitina í heils­uv­erkinum, og vit hava brúk fyri at fáa so nógv burtur úr teimum peng­u­num, sum verða játtaðir til sjúkrahúsverkið sum yv­ir­høvur gjørligt, sigur John J­o­hann­e­ssen.
Nú hann skótt leggur frá sær sum landsstýrismaður og fyribils er farin úr pol­i­tikki, ætlar hann sær at brúka nakað av tíð heima.
- Nú verið eg heima í hvussu er fram til jóla og kanska eisini eftir tað, og so taki eg tað harfrá, sigur John Jo­hannessen.