Men hóast hetta ikki hóvaði málverjanum, so tóktist hann merkisvert róligur, tá vit fingu orð á hann, beint sum hann kom av vøllinum.
- Hetta var ikki tað, sum eg ætlaði. Tað er so heilt sikkurt.
Men tá tú sum málverji kemur út eitt hálvt sekund ov seint, so er tað bara ein vegur?
- Ja. Eitt hávlt sekund ov seint ella ov tíðliga. Tað kann altíð ganga galið. Eg veit ikki eingongd, um tað var rætt dømt. Tað má eg síggja á video, áðrenn eg sigi nakað sum helst. Men dómararnir hava dømt, og so er ikki meira at gera.
Og nú er tín leiklutur av í dystinum. Hvussu verður at hyggja seinastu 24 minuttirnar.
- Tað verður ræðuligt. Eg havi bestan hug at pakka saman og fara út í gongina. Men eg veit ikki. Eg má so royna at heppa á hinar, helt Lars Black, meðan lagið enn var í botni. Hálvan tíma seinni mundi tað mesta tó vera gloymt!
