Ring byrjan hjá nýggju Dimmalætting

Rólant Waag Dam

Tað var fyri sløkum ári síð­ani, tann 15. september í fjør, at nýggju eigararnir tóku yvir blaðraksturin av Dimma­l­ætt­ing. Rokn­­skap­ur­­in er gjørdur fyri hetta tíð­ar­skeiðið, frá hálvum sep­tem­ber fram til árskiftið, og hann vísir eitt undirskot upp á 936.236 krónur. Tað merk­ir, at hetta undirskot er upp­arbeitt upp á tríggjar og ein hál­van mánað.
Í leiðslufrágreiðingini í rokn­skap­i­num, sum er fram­løgd á aðalfundi 2. au­gust, sigur leiðslan, at fel­ag­ið hev­ur gjørt týð­andi rakstr­ar­lig­ar til­lagingar í ár. Tí roknar leiðslan við, at rakst­urin í hesum árinum fer at geva eitt heldur minni hall, og at raksturin næsta ár fer at geva avlop - og leiðl­san ætlar at endurreisa smá­part­a­pen­ing­in við hesum avlopi.
Men fíggjarliga grund­ar­lag­ið er tó ikki komið upp á pláss, tí leiðsl­an sigur eisini, at fel­ag­ið er í samráðingum um fígg­ing av rakstrinum, sum hon vónar bera á mál.
At bløð­ini eru í tu­ng­­u­m s­jógvi sæst á øllum brøgd­um. Rokn­skap­urin hjá Sosialinum vart tann lakasti í fleiri ár, og vísti hann eitt hall fyri alt ár­ið 2010 upp á 783.000 krónur.
Meðan eginognin hjá Dimm­a­læt­ting ­er minus 865.000 krón­ur, so hevur Sos­i­al­urin tó eina eginogn upp á 8,4 milliónir krónur at tera uppá.