Liðini hjá systkinabørnunum, Róa Ellefsen á Skipagøtu og Óla Mittún í bestu svensku hondbóltsdeildini, Hallby og Sävehof skulu komandi leygardag og mikukvøldið í komandi viku spæla áttandapartsfinalur í steypakappingini.
Tað verður ikki talan um eina føroyinga og familjuuppgerð á hesum sinni í svensku steypakappingini.
Leygardagin klokkan 15.30 spælir Hallby fyrru áttandapartsfinaluna móti Önnered á heimavølli, og fýra dagar seinni verður returdysturin leiktur í Göteborg.
Leygardagin klokkan 17 spælir Sävehof fyrru áttandapartsfinaluna móti Malmö á útivølli. Fýra dagar seinni møtast liðini í returdystinum í Partille.
Annars standa Hallby og Sävehof at møtast í dysti í bestu svensku deildini í Jönköping 24. november. Tá verður Pætur Mikkjalsson vónandi eisini klárur at tørna út fyri Hallby, so talan kann gerast um eina rimmar føroyingauppgerð.
