Tvey føroyingalið vóru í leiki í dag í næstbestu donsku hondbóltsdeildini.
Landsliðsmálverjin, Pauli Jacobsen, Rói Berg Hansen og liðfelagarnir í HØJ spældu javnleik 30-30 móti oddaliðnum, Grindsted á útivølli.
Og tað kunnu Pauli, Rói og liðfelagarnir iðra seg um. Tá 18 sekund vóru eftir av dystinum skoraði Rói við brotskasti til støðuna 30-29 til HØJ, men ólukkutíð eydnaðist tað Magnus Sadova at javna til 30-30, tá bert trý sekund vóru eftir av dystinum.
Rói gjørdist saman við Simen Schønningsen toppskjútti hjá HØJ. Rói og Simen skutu báðir sjey mál í dag.
Pauli Mittún og liðfelagarnir í Team Sydhavsøerne spældu í dag á útivølli í Skive.
Skive vann dystin 31-28. Í steðginum var Skive á odda 17-12.
Pauli skoraði trý mál fyri Team Sydhavsøerne.
Komandi leygardag tekur HØJ móti Skive á heimavølli. Sama dag hevur Team Sydhavsøerne heimadyst móti Odder.
Støðan:
| Nr. | Lið: | Dystir | Stig |
| 1 | Grindsted | 5 | 9 |
| 2 | Skive fH | 5 | 9 |
| 3 | HØJ | 5 | 8 |
| 4 | HC Midtjylland | 5 | 6 |
| 5 | Team Sydhavsøerne | 5 | 5 |
| 6 | Aarhus HC | 5 | 5 |
| 7 | FIF | 5 | 5 |
| 8 | Rækker Mølle | 4 | 4 |
| 9 | Skovbakken | 4 | 4 |
| 10 | Odder | 4 | 4 |
| 11 | TM Tønder | 4 | 3 |
| 12 | Vendsyssel | 5 | 3 |
| 13 | HC Odense | 4 | 1 |
| 14 | Køge | 5 | 0 |
