Fyrra hálva av fjórða umfari í bólkaspælinum í Champions League hevur verið í kvøld. Cristiano Ronaldo bjargaði Manchester United eitt stig í Italia, meðan Ansu Fati heldur lív í vónini hjá FC Barcelona, at koma víðari.
Bólkur E:
Bayern Munchen er í stórformi og millum favorittarnar at vinna kappingina. Í kvøld vunnu teir 5-2 á Benfica. Robert Lewandowski skoraði hattrik. FC Barcelona er enn við í stríðnum, um at koma víðari, eftir ein 1-0 sigur í Kiev. Ansu Fati skoraði málið.
Bayern Munchen – Benfica 5-2
Dynamo Kiev – FC Barcelona 0-1
Støðan:
- Bayern Munchen 12
- FC Barcelona 6
- Benfica 4
- Dynamo Kiev 1
Bólkur F:
Cristiano Ronaldo var aftur stóri maðurin hjá Manchester United, sum bjargaði sær ein javnleik í yvirtíðini í Italia móti Atalanta. Úrslitið bleiv 2-2 og Cristiano Ronaldo skoraði bæði málini hjá Manchester United.
Í hinum dystinum í bólkinum vann Villarreal 2-0 á Young Boys. Tað merkir, at tað eru trý lið við í dystinum um at koma víðari úr bólkinum.
Atalanta – Manchester United 2-2
Villarreal – Young Boys 2-0
Støðan:
- Manchester United 7
- Villarreal 7
- Atalanta 5
- Young Boys 3
Bólkur G:
Lille hevur verið í eitt sindur av mótvindi, eftir at liðið vann fronsku landskappingina. Í kvøld vunnu teir 2-1 á útivølli móti Sevilla og eru nummar tvey í bólkinum. Í Týsklandi vann Wolfsburg 2-1 FC Salzburg. Gestirnir úr Eysturríki høvdu sjey stig undan uppgerðini, og tí var av stórum týdningi fyri Wolfsburg, sum hevði tvey stig, at vinna.
Wolfsburg – Salzburg 2-2
Sevilla – Lille 1-2
Støðan:
- FC Salzburg 7
- Lille 5
- Wolfsburg 5
- Sevilla 3
Bólkur H:
Fyrr í kvøld vann Chelsea 1-0 í Malmø. Tað var eisini Chelsea, sum var greitt omaná, men tað bleiv bara til 1-0. Málið skoraði Hakim Ziyech tíggju minuttir inn í seinna hálvleik. Juventus vann greiðan 4-2 sigur á Zenit. Juventus og Chelsea eru greitt fremst.
Juventus – Zenit 4-2
Malmø – Chelsea 0-1
Støðan:
- Juventus 12
- Chelsea 9
- Zenit 3
- Malmø 0
