So bjóðar barrin í Saltangará aftur til livandi tónleik, og hesaferð verður tað við Jens Marna Hansen. Eisini bjóðar Rex í Havn til livandi tónleik frá bólkinum Rox.
Livandi tónleikur er vorðin ein partur av vikuskiftunum í Péche í Saltangará, eins og nógva aðrastaðni í landinum, og hetta vikuskiftið verður ikki øðrvísi.
Vælumtókti trubadururin Jens Marni Hansen vitjar í Péche í annaðkvøld, og spælir hann livandi tónleik frá kl. 23.00.
Úr Péche verður sagt, at happy hour verður frá 23.00 01.00, og at tey vænta sær eitt gott og lívligt kvøld við Jens Marna á odda.
Í Rex í Havn verður eisini livandi tónleikur, og verður tað við bólkinum Rox. Rox spælir lættan dansitónleik, og í bólkinum eru Signar í Homrum, sang, John Johansen, bass, Høgni Fagraberg, guitar og James Olsen, trummur.
