Eitt russiskt bumbuflogfar av slagnum Tu-22M, sum er flogfarið á myndini omanfyri, er dottið niður í Sibiria.
Tað veit tíðindastovan Reuters at siga í kvøld.
Í russiska verjumálaráðnum verður sagt, at orsøkin til hendingina var ein tekniskur feilur, og sagt verður, at eitt fólk læt lív í vanlukkuni.
- Flogfarið datt niður í óbygdum øki í Irkutsk-regiónini í landsynningspartinum av landinum, skrivar guvernørurin í Irkutsk, Igor Kobzev, á Telegram.
Reuters veit eisini at siga, at í oktober 2022 datt eisini eitt russiskt jagaraflogfar niður í sama býi í Sibiria, og tá lótu báðir flogskipararnir lív.
##med2##
