Tað sigur Kreml-talsmaðurin, Dmitrij Peskov, á einum tíðindafundi í dag.
Máttmikla, Margarita Simonjan, sum stendur á odda fyri statsriknu russisku sendistøðini RT hevur nevniliga skotið upp, at Russland átti at sprongt eina kjarnorkubumbu í stórum hæddum yvir Sibiria.
Hon heldur, at hetta hevði verið ein munagóð ávaring til vesturheimin.
Á tíðindafundi í dag segði Dimitrij Peskov seg ikki vita, hvaðani Margarita Simonjan hevur fingið hugskotið um, at Russland fyrireikar eina roynd við kjarnorkuriknari krússararakett - ella, at Russand longu skal hava gjørt eina slíka roynd.
Tað er tíðindastovan NTB, sum endurgevur aðrar útlendskar miðlar fyri hesa útsøgn hjá Kreml-talsmanninum.
Wikipedia sigur, at RT er ein altjóða sjónvarpsstøð, sum hevur sítt høvuðssæti í russiska høvuðsstaðnum, Moskva.
Tað er russiski staturin, sum eigur støðina, ið sendir tíðindi um allan heim - á russiskum, arabiskum, enskum, týskum og sponskum.
