Russiski herurin útvegar sær umleið 30.000 nýggjar hermenn um mánaðin fyri at varðveita deildir sínar í krígnum ímóti Ukraina.
Tað vísa bretskar fregnir, sum vórðu kunngjørdar í gjár.
– Russland varðveitir ein munandi fyrimun í stríðnum betri enn Ukraina, tá tað fær nýggjar veitingar og krígsútgerð, sigur bretska verjumálaráðið í dagliga dagføring síni um kríggið.
Tað eru meira enn tvey ár síðani, at Russland gjørdi innrás í Ukraina.
Verjumálaráðið dagførir dagliga almenningin um tær fregnir, sum verða savnaðar um kríggið.
– Russland útvegar sær eftir øllum at døma 30.000 eyka mans um mánaðin og kann sannlíkt halda fram við at missa og halda fram við álopum sínum, sum hava til endamáls at lúgva ukrainsku deildirnar, verður sagt.
Tað eru tøl, sum Russland sjálvt hevur váttað.
Ráðið hevur eisini á sosiala miðlinum X deild dagføringina.
Sambært bretsku fregnunum hava russisku deildirnar megnað at bygt upp á yvirtøkuna av eysturukrainska býnum Avdijivka fyri kortum.
Russland varðveitir ein »lutvísan fyrimun« vestan fyri býin, verður sagt.
– Síðst í mars 2024 hevur Russland næstan við vissu tikið valdið í tveimum býum – Tonenke og Orlivka – og tey halda fram við at stríðast í økinum.
– Russland heldur fram við álopum sínum á øðrum støðum á hermótinum, men hevur havt minni framgongd senastu vikurnar, verður sagt.
Hjá Ukraina hevur verið at frætt um vantandi lóður og avbjóðingar við at útvega nýggjar hermenn við hermótið.
17. februar tóku russiskar deildir býin Avdijivka eftir bardagar í fleiri mánaðir.
Samstundis, eftir at hava gjørt sær dælt av somu strategi sum undir fyrsta vetrinum í krígnum, hevur Russland seinastu tíðina hert álopin ímóti orkuverkum hjá Ukraina og undirstøðukervinum.
Eisini í gjár frættist um álop ímóti undirstøðukervinum. Tað var í landsbýnum Poltava, um er miðskeiðis í Ukraina, varð sagt.
/ritzau/dpa
