##med2##
Víkingur reisti seg væl og virðiliga í dag aftaná 2-4 tapið móti B36 á Tórsvølli ólavsøkudag.
Víkingur sendi EB/Streym heimaftur við einum 0-6 stórtapi. Longu í steðginum var Víkingur í odda 5-0. Víkingur hevði seks ymiskar málsskjúttar í dag.
Víkingur – EB/Streymur 6-0 (5-0)
1-0: Sølvi Vatnhamar (18.)
2-0: Gunnar Vatnhamar (26.)
3-0: Finnur Justinussen (34.)
4-0: Jákup Johansen (37.)
5-0: Ari Olsen (45.)
6-0: Noah Mneney (61.)
Landsliðsveteranurin hjá Víkingi, Sølvi Vatnhamar er ovurfegin um avrikið á heimavølli í dag. Sølvi er ivaleysur í, at fyrri hálvleikur er tað besta spælið Víkingur hevur víst hetta kappingarárið. Sølvi heldur, at nú skulu hann og liðfelagarnir bara dríva á og spæla frítt tað sum er eftir av kappingini.
Á ljóðfíluni omanfyri ber til at hoyra samrøðuna reportarin hjá FM1, Árni Gregersen gjørdi við Sølva Vatnhamar.
HER ber til at hoyra samrøðuna Árni Gregersen gjørdi við høvuðsvenjaran hjá EB/Streymi, Jákup Martin Joensen.
