- Tað má vera lagnunnar speisemi, at nú mótmælir sjálvt arbeiðarin politikkinum hjá javnaðarflokkinum og tjóðveldi. Flokkunum, sum siga seg hava arbeiðaran í sínum hjarta, sigur Elsebeth Mercedis Gunnleygsdóttur.
Hon hevur seinastu tíðina staðiliga arbeitt ímóti nýggja fiskivinnuuppskotinum, sum er til 2. viðgerð í dag, og tað gleðir hana at síggja, at nú eru fakfeløgini eisini farin at mótmæla uppskotinum.
- Álvaratos sær samgongan ikki øll tey reyðu ljósini og allar ávaringarna ? Skilir hon ikki álvaran? Fjøldin hevur nú stórt sæð rópt varskó, síðan samgongan kom til, sigur hon, og nevnir mótmæli frá pensjónistum, sjófólki, manningarfeløgum, lesandi og nú mótmælir Klaksvíkar Arbeiðarafelag.
- Nú átti samgongan at lurta eftir fólkinum og tikið tað til eftirtektar, sum fólkið sigur og ikki ignorera meir, sigur løgtingskvinna fólkafloksins í Norðoyggjum.
