Rættiligt orðaskifti hevur verið um tann partin, sum hevur við hybrid bilarnar at gera, tí fleiri halda tað ikki vera rætt, at lata teir sleppa bíligari í avgjøldum.
Men samgongan samtykti málið við fyrstu viðgerð, og tí er væntandi, at málið aftur verður samtykt í dag.
Merkisvert hevur tó verið, at fleiri tingfólk í samgonguni tosaðu ímóti uppskotinum, men atkvøddu fyri, tí talan var um samgongumál. Sjálvur landsstýrismaðurin í umhvørvismálum, Helgi Abrahamsen, er eisini ímóti tí partinum av uppskotinum, sum hevur við hybridbilarnar at gera.
Hugsast kann, at okkurt broytingaruppskot verður lagt fram í dag, men tað verður valla samtykt.
Skráin fyri tingfundin í dag er hendan:
Dagsskráin, hósdagur, 18. februar 2021, kl. 13:30
1 | 3. viðgerð LM-066/2020 - Uppskot til løgtingslóg um broyting í løgtingslóg um avgjøld við skráseting av motorakførum (Lækka virðisavgjaldið fyri persónbilar við hybrid tøkni og persónbilar við plugin-hybrid tøkni, rokna skrásetingargjaldið á innfluttum brúktum motorakførum við støði í keypsprísinum, frítaka flytigóðsmotorakfør frá skrásetingargjaldi, stytta tíðarskeiðið fyri undantøku av virðisavgjaldi hjá hýru- ella skúlavognum og leingja undantøkuna fyri at rinda virðisavgjald fyri motorakfør, sum bara nýta ravmagn ella vetni til framdrift) |
2 | 3. viðgerð LM-067/2020 - Uppskot til løgtingslóg um broyting í løgtingslóg um meirvirðisgjald (Meirvirðisgjaldslógin) (Leingja heimildina at fáa meirvirðisgjald endurrindað í sambandi við bygging ella umbygging av ávísum leigubústøðum, keyp av ávikavist orkuvinarligum motorakførum og elriknum hitapumpuskipanum og dagføring av reglunum um leigubilar) |
3 | Landsstýrismaðurin í fiskivinnumálum, Jacob Vestergaard, leggur fram tingmál nr. F-3/2020: Frágreiðing sambært § 51, stk. 4 í tingskipanini um løgtingslóg um sjófeingi |
4 | 1. viðgerð LM-080/2020 - Uppskot til løgtingslóg um broyting í løgtingslóg um tryggingarvirksemi (Tekning av ávísum sertryggingum í útlendskum tryggingarfeløgum) |
5 | 1. viðgerð LM-077/2020 - Uppskot til samtyktar um barnaváttanir |
6 | 1. viðgerð LM-079/2020 - Uppskot til samtyktar um økissálarfrøði |
7 | 1. viðgerð LM-081/2020 - Uppskot til eykajáttanarløgtingslóg fyri februar 2021 |
8 | Umrøða av spurningi SS-005/2020 - Heilsustøðan hjá ungum í Føroyum |
9 | Framløga |
