Kappingarárið í næstbestu fótbóltsdeildini, 1. deild hjá monnum, sang sín svanasong leygardagin, tá ið 27. umfar bleiv avgreitt. Hetta hevur als ikki verið mest spennandi kappingarárið í deildini, tí at longu langt áðrenn, at kappingin varð liðug stóð greitt, at EB/Streymur og 07 Vestur fóru at flyta upp í Effodeildina, meðan næstbesta liðið hjá AB og B71 mugu ta tungu leið niður í 2. deild.
Í dag verður hugt eftir, hvussu nógv gul og reyð kort liðini hava fingið. Hagtølini siga í øllum førum, at B71 var tað liðið, sum skikkaðu sær verst í 1. deild, tí at sandoyingar fingu flest kort og sektarstig í farna kappingarárinum.
So nógv kort fingu liðini:
Hvørt gult kort gevur eitt sektarstig, meðan eitt reytt kort gevur trý sektarstig.
1. B71: 51 gul, 4 reyð - 63 sektarstig
2. KÍ II: 43 gul, 6 reyð - 61 sektarstig
3. AB II: 49 gul, 2 reyð - 55 sektarstig
4. FC Suðuroy: 45 gul, 1 reytt - 48 sektarstig
5. Giza Hoyvík: 37 gul, 2 reyð - 43 sektarstig
6. HB II: 39 gul, 1 reytt - 42 sektarstig
7. NSÍ II: 37 gul, 1 reytt - 40 sektarstig
8. Víkingur II: 36 gul, 1 reytt - 39 sektarstig
9. 07 Vestur: 34 gul, 1 reytt - 37 sektarstig
10. EB/Streymur: 31 gul, 0 reyð - 31 sektarstig
Sum tað sæst á tølunum, so vóru trý lið, sum fingu fleiri reyð kort enn næstbesta liðið hjá KÍ, men kortini mundu klaksvíkingar ,,vunnið" sektarstigslistan við at fáa heili seks reyð kort í hesum kappingarárinum.
Annars er eisini vert at leggja til merkis, at uppflytaraliðini bæði, EB/Streymur og 07 Vestur, fingu fægst kort í hesum kappingarárinum.
Teir 10 leikararnir, sum ognaðu sær flest sektarstig í hesum kappingarárinum, síggjast niðanfyri:
1. Gunnar Lydersen B71 - 12 sektarstig (9 gul kort, 1 reytt kort)
2. Aksel Danielsen KÍ II - 10 sektarstig (4 gul kort, 2 reyð kort)
3. Hugin á Borg Ferber AB II - 9 sektarstig (6 gul kort, 1 reytt kort)
4. Leivur Holm Joensen Giza Hoyvík - 8 sektarstig (8 gul kort)
5. Ólavur Venned AB II - 8 sektarstig (8 gul kort)
6. Beinir Poulsen KÍ II - 7 sektarstig (4 gul kort, 1 reytt kort)
7. Bjørgfinnur Winther B71 - 7 sektarstig (4 gul kort, 1 reytt kort)
8. Bogi Hermansen Giza Hoyvík - 7 sektarstig (4 gul kort, 1 reytt kort)
9. Neli Heldarskarð AB II - 7 sektarstig (7 gul kort)
10. Ari Krosslá Poulsen FC Suðuroy - 6 sektarstig (3 gul kort, 1 reytt kort)
Kelda: FaroeSoccer
Les eisini: So nógv mál blivu skorað í 1. deild
Les eisini: Nú eigur Leif málmetið
