Tvey føroyingalið í bestu norsku hondbóltsdeildini vóru í leiki í dag.
Føroyski landsliðsmálverjin, Nicholas Satchwell og liðfelagarnir í Viking TIF, ið hevur Sonni Larsen sum venjara taptu í dag tepurt grannauppgerðina móti Bergen.
Bergen vann ein tepran 32-31 sigur. Bergen var á odda 18-14 í steðginum. Viking TIF avrikaði betur í seinna hálvleiki, men tað rakk ikki til stig í dag.
Viking TIF er aftast í deildini við einum stigi. Sunnudagin 8. oktober hevur Viking TIF heimadyst móti Arendal.
Nicholas bjargaði 7 av 24 málroyndum, meðan kappingarneytin, Christian Morillo Lyngbø bjargaði seks av átta málroyndum.
Kjartan Johansen og liðfelagarnir í Bækkelaget vóru á heimavølli fyri greiðum 22-30 tapi móti Sandnes. Í steðginum var støðan javnleikur 8-8. men í seinna hálvleiki gekk av skriðuni hjá Bækkelaget.
Bækkelaget er nummar níggju í deildini við trimum stigum. Sunnudagin 8. oktober hevur Bækkelaget sera torføran útidyst móti Drammen.
Kjartan skoraði tvey mál og legði upp til tvey mál hjá Bækkelaget í dag.
