Jóan Símun Edmundsson var við frá dystarbyrjan í dag í fyrru hálvfinaluni hjá Shkupi í norðurmakedonsku hálvfinaluni.
Jóan Símun og liðfelagarnir vóru stórir favorittar hjá veddingarfyritøkunum at vinna fyrru hálvfinaluna á heimavølli móti Tikves. Men tað endaði við javnleiki 0-0.
Shkupi hevur leikt fleiri 0-0 javnleikir í bestu norðurmakedonsku fótbóltsdeildini farnu umførini, og nú heldur mynstrið fram í steypakappingini.
Seinna hálvfinalan verður leikt á heimavøllinum hjá Tikves um 15 dagar, mikudagin 17. apríl.
Komandi sunnudag spælir Shkupi dyst á útivølli í bestu norðurmakedonsku deildini móti Bregalnica Stip.
Shkupi er næstfremst í deildini við 51 stigum. Struga er fremst við 54 stigum.