Tveir av seinastu trimum flokkum leggja fram valskráirnar í dag, Sjálvstýri og Fólkaflokkurin. Sjálvstýrisflokkurin hevur boðið fjølmiðlum til tíðindafund klokkan 10:30 í morgun í Norðurlandahúsinum.
Har verður eisini møguleiki hjá miðlunum at hitta valevni floksins.
Seinnapartin klokkan 16 hevur Fólkaflokkurin sín framløgufund. Tann tíðindafundurin verður í Smæruni, har floksformaðurin Beinir Johannesen leggur fram valskránna.
Frammanundan hava hinir fimm flokkarnir havt sínar fundir, har valskráirnar eru lagdar fram.
Seinasta freist at lata inn valevnislistarnar er í kvøld klokkan 18, tá teir skulu verða valnevndarforkvinnuni í hendi.
