Hagstova Føroya legði í vikuni út filmsbrot, har greitt varð frá fólkavøkstrinum í Føroyum seinastu 10 árini.
- Filmsbrotið endaði í Bygdahúsinum á Strondum, har sjóneykan varð sett á, hvar í Føroyum fólkavøksturin hevur verið størstur hesi árini.
Í Sjóvar kommunu fegnast tey um úrslitið, tí tað vísir nevniliga, at vøksturin hevur verið størstur í hesi kommununi.
- Fólkavøksturin í Sjóvar kommunu seinastu 10 árini hevur verið 26 prosent í mun til ein vøkstur á 13 prosent fyri alt landið, verður lagt aftrat.
Í Sjóvar kommunu búgva 1.200 fólk í fimm ymiskum bygdum, og tá vit hyggja eftir, hvussu nógv búgva í hvørjari av hesum bygdum, er úrslitið hetta:
Strendur: 1.000 íbúgvar
Innan Glyvur: 89 íbúgvar
Selatrað: 43 íbúgvar
Kolbeinagjógv: 36 íbúgvar
Morskranes: 32 íbúgvar
- Hetta halda vit er ein góð søga nú um vikuskiftið, og nevnda filmsbrot kann síggjast á Facebook-vanganum hjá Hagstovu Føroya, siga tey í Sjóvar kommunu.