Fimm dystir hava verið í 20. umfari í Premier League í kvøld. Størsti skelkurin kom á Old Trafford, har oddaliðið Manchester United tapti móti botnliðnum Sheffield United. Hetta er bara annar sigurin hjá Sheffield United í hesum kappingarárinum.
Gestirnir komu eisini á odda á Old Trafford í fyrra hálvleiki við máli frá Kean Bryan. Í seinna hálvleiki javnaði liðskiparin hjá Manchester United, Harry Maguire. Hann hevur eina fortíð í Sheffield United.
Nú kundi roknast við, at heimaliðið fór avstað við sigrinum, men tað endaði við at Oliver Burke tryggjaði Sheffield United sigurin við máli til 2-1. Manchester United hevur nú mist oddasessin til Manchester City, sum í gjár vann 5-0 á West Bromwich.
Av hinum úrslitunum kann nevnast, at Thomas Tuchel bara fekk málleysan javnleik í fyrsta dystinum sum venjari hjá Chelsea, ið spældi málleysan dyst móti Wolverhampton. Everton og Leicester, sum bæði bjóða av í stríðnum um plássini til Champions League, spældu innanhýsis javnleik. Tað endaði 1-1.
Brighton og Fulham spældu málleysan javnleik, meðan Burnley aftur vann, eftir at liðið søkti Liverpool í farnu viku. Hesa ferð vann Burnley 3-2 á Aston Villa.
| 1 | Man City | 19 | 12 | 5 | 2 | 36:13 | 41 |
| 2 | Man Utd | 20 | 12 | 4 | 4 | 37:27 | 40 |
| 3 | Leicester | 20 | 12 | 3 | 5 | 36:22 | 39 |
| 4 | West Ham | 20 | 10 | 5 | 5 | 30:24 | 35 |
| 5 | Liverpool | 19 | 9 | 7 | 3 | 37:22 | 34 |
| 6 | Tottenham | 18 | 9 | 6 | 3 | 33:17 | 33 |
| 7 | Everton | 18 | 10 | 3 | 5 | 29:22 | 33 |
| 8 | Chelsea | 20 | 8 | 6 | 6 | 33:23 | 30 |
| 9 | Arsenal | 20 | 9 | 3 | 8 | 26:20 | 30 |
| 10 | Aston Villa | 18 | 9 | 2 | 7 | 33:21 | 29 |
| 11 | Southampton | 19 | 8 | 5 | 6 | 27:24 | 29 |
| 12 | Leeds | 19 | 8 | 2 | 9 | 32:35 | 26 |
| 13 | Wolves | 20 | 6 | 5 | 9 | 21:29 | 23 |
| 14 | Crystal Palace | 20 | 6 | 5 | 9 | 24:36 | 23 |
| 15 | Burnley | 19 | 6 | 4 | 9 | 13:24 | 22 |
| 16 | Newcastle | 20 | 5 | 4 | 11 | 19:34 | 19 |
| 17 | Brighton | 20 | 3 | 9 | 8 | 22:29 | 18 |
| 18 | Fulham | 19 | 2 | 7 | 10 | 15:27 | 13 |
| 19 | WBA | 20 | 2 | 5 | 13 | 15:48 | 11 |
| 20 | Sheffield Utd | 20 | 2 | 2 | 16 | 12:33 | 8 |
