Leygardagin spældi liðið hjá Stefani Radosavljevic, Sligo Rovers móti Finn Harps á útivølli í tí seinasta venjingardystinum undan kappingarbyrjanini í bestu írsku fótbóltsdeildini.
Aðalroyndini tapti Sligo Rovers 1-2.
Wilson Waweru legði Sligo á odda tá bert átta minuttir vóru leiktir av dystinum. Men 20 minuttir seinni hevði Finn Harps lagt seg á odda 2-1, og so vóru ikki fleiri mál skotin í dystinum.
Stefan kom á vøllin fyri Sligo tá fimm minuttir vóru eftir av vanligu leiktíðini.
Fyrsti dysturin hjá Sligo Rovers í bestu írsku fótbóltsdeildini verður leiktur komandi fríggjakvøld klokkan 19.45 móti Bohemians á útivølli.
