Magnus Gunnarsson
Hetta hevur oljufelagið Amerada Hess funnið útav og gjørt nakað við, tí eru tað helst fleiri smádreingir í Føroyum, sum gleða seg til, at pápin fær ein modellbil í jólagávu frá Amerada Hess, tí so sleppa teir at spæla við hesar bilar.
Modellbilar til Thanksgiving Day
Oljufelagið Amerada varð stovnað í 1919, og oljufelagið Hess í 1933. Í 1963 vóru hesi feløg løgd saman til Amerada Hess. Síðan 1964 hava teir gjørt modellbilar, sum verða seldir á Hess bensinstøðum í USA, sum eru kendar fyri at vera sera kundavinarligar.
Hesir bilar koma á marknaðin til Thanksgiving Day, sum er fyrsti hósdagur í november, og halgidagur í USA síðan 1864. Henda dag geva fólk gávur, og eru tað fleiri, sum fáa ein Hess modellbil sum gávu. Her hjá okkum verða modellbilarnir givnir sum jólagávur til viðskiftafólk og onnur, sum oljufelagið hevur samskifti við. Hjá nógvum er hetta er vorðið eitt samlaraevni, og fyri tey, sum eiga allar bilarnar, hevur hetta savn stórt virði.
Nýtt modell hvørt ár
Hesir modellbilar er góð reklama fyri Amerada Hess. Nýtt modell kemur hvørt ár.
Tað fyrsta modellið fyri 1964-1965 var ein Hess tangabilur, í 1966 var tað ein Hess tangabátur, men síðan tá hava tað verið bilar, mest tangabilar, eisini brandbilar, mobilhome, trailarar, politibilar.
í 1999 varð tað ein trailari við eini rúmdarrakett og einum fylgisveini. Felags fyri hesar modellbilar er, at teir eru væl gjørdir og originalir við øllum hugsandi ljósum, ljóði og lúkum at lata upp.
Um vit t. d. taka ein mobilhome frá 1998, so hevur hann eina motorsúkklu og ein bil eru inni í. Motorsúkklan og bilurin heilt original við øllum sum hoyrur til, t. d. ljósum og ljóði.
Nógvir bilar verða gjørdir hvørt ár, talið er ikki alment, men í 1993 vórðu gjørdir 1,5 milliónir bilar. Spennandi verður at vita, hvussu modellbilurin fyri 2000 verður, men tað hava teir størru og smærru dreingirnir at gleða seg til seinni í ár.m, og hetta hevur eisini gingið heilt væl. Sjálvur haldi eg at hetta bara hevur riggað heilt væl.
Dómararnir ímóti Toda?
Síðani vit tosaðu við Toda, hevur stjóri felagsis verið alment frammi í fjølmiðlunum, við viðmerkingum um, at Todi at kalla einki fær frá teimum dómarum, sum døma í superliguni. Sum dømi um hetta nevndi hann júst dystin, sum vit høvdu sæð felagið spælt móti AB, og har Todi beint eftir dystin segði dómarin var ein skandala.
Júst við hesum dysti í hugaðum, spurdu vit eisini Toda, um hetta eisini er generelt galdandi fyri dómararnar í dystum teirra, soleiðis at hann kennir ein ávísan illvilja móti sær sjálvum.
- Akkurát handan dystin var tað nokk heilt ekstremt. Tað hevur tó ofta verið tosað um, at eg fái ov nógvar dómar ímóti mær. Serliga tá eg spældi í álopinum.
Tað er tó klárt, at dómarar eisini tosa sínámillum, og fellur ein viðmerking um, at hasin heldur nógv í mótstøðumonnum og líkandi, so er tað kanska náttúrligt, at teir fylgja serliga væl við hesum.
Tað er tó kanska torført at síggja, hvat er loyvt og ikki, tí tá vit spæla í altjóða dystum, so er dømingin aloftast heilt øðrvísi, so tað er eitt sindur ringt at vita, hvar markið fyri slíkum er.
Greið mál fyri framtíðina
At enda spurdu vit Toda, hvørjar ætlanir og hvørji mál hann hevur sett sær fyri framtíðina, bæði í felagshøpi og viðvíkjandi føroyska landsliðinum.
- Í FCK er mítt mál sjálvandi at verða meistari við felagnum, umframt at eg sjálvandi eisini vil varveita tað plássið, sum eg havi á liðnum. Gongur hetta væl, so er vónin sjálvandi eisini at koma víðari við fótbóltinum, og hetta hevur eisini verið ein dreymur í langa tíð.
Um hetta ikki hendir, so er tað kortini ikki tað heilt stóra vónbrotið, tí eg eri hóast alt komin eitt fitt petti av leiðini. Eg eri í dag 28 ár, so hetta skal kanska henda innan fyri tey bæði komandi árini. Spælarar í altjóða fótbólti síggja tó út til at gerast eldri, so eg vóni at hava nøkur góð ár afturat sum yrkisleikari. Talan verður tó helst ikki um nakran bosman-dóm í mínum føri, tí tá sáttmálin hjá mær gongur út, gangi eg á 32. ári, og so er spurningurin, um nakað felag er áhuga í at gera eina íløgu í mær tá.
Skal alt hetta gerast veruleiki, er tó fyrst og fremstu neyðugt, at eg her í FCK sýni spæl á høgum støði yvir eitt longri tíðarskeið. Nakað sum eg kanska ikki havi megnað í nóg stóran mun undanfarnu árini.
Halda fast um gongdina
Um lutakastið hjá føroyska A-landsliðnum heldur Todi, at tað er kanska við eitt sindur blandaðum kenslum, tá tosað verður um hetta.
- Vit hava fingið tvey keðilig lið í Russlandi og Jugoslavia, og har eru vónirnar um stig ikki tær heilt stóru, men móti hinum londunum í bólkinum áttu vit at hava havt møguleika fyri stigum.
Móti Luksenburg eiga vit at seta okkum sjálvum krav um seks stig, meðan vit somuleiðis eiga at krevja stig á heimavølli móti Sveis og Slovenia.
Ert tú sostatt av teirri sannføring, at føroyskur á ein hátt er komin á eitt vegamót, soleiðis at vit ikki longur bert eru glaðir amatørar, sum vóna tað besta burtur úr øllum dystum, men hinvegin ikki seta fram krav um nakað sum helst?
- Sjálvandi eru vit framvegis ein lítil tjóð í fótbóltshøpi, men vit eiga eisini at kunna seta krøv til okkum sjálvar. Vit hava eftir hondini nógvar leikarar, sum royna seg uttanlands, og vit mugu royna at koma víðari á fótbóltsleið okkara.
Eisini fyri teir ungu leikararnar, sum stremba eftir at koma á landsliðið, er tað av stórum týdningi, at vit hava nøkur úrslit at vísa á, og tað haldi eg eisini, at vit hava. Hóast tað sjálvandi kiksar viðhvørt, so hava vit seinnu árini spælt fleiri góðar dystir, og vit tapa heldur ikki so greitt,sum vit ofta hava gjørt fyrr, so alt í alt sær tað gott.
Tað hongur alt saman. Tá fleiri spælarar royna seg uttanlands, er hetta við til at hækka støðið á landsliðnum. Hægri støði gevur øktan áhuga í umheiminum, og hetta ger tað aftur lættari hjá øðrum spælarum at sleppa uttanlands. Talan er um at koma í eina positiva ringrás, og hesa haldi eg eisini vit eru um at koma í við føroyska landsliðnum.
