SMS: Greiður sigur til Kyndil í oddauppgerðini

Tveir dystir í SMS-deildini byrjaðu klokkan 14.

Lagt var upp til eina javna og spennandi oddauppgerð millum Neistan og Kyndil í høllini á Hálsi í Havn, men tað bleiv ikki heilt tann væntaði spenningurin.

Kyndil vann ein greiðan 34-27 sigur. Í steðginum vóru kyndilskvinnur á odda 16-13.

Turið Arge Samuelsen var toppskjútti hjá Kyndli við 10 málum. Maria P. Nólsoy var toppskjútti hjá Neistanum við sjey málum.

Kyndil er nú greitt oddalið í SMS-deildini, seks stig frammanfyri Neistan. 

VÍF vann eisini ein greiðan sigur á H71 í Hoyvíkshøllini.

VÍF vann 29-22 á H71. Grundin var løgd í fyrra hálvleiki. Í steðginum vóru vestmannakvinnur á odda 16-9.

Christina Arge var toppskjútti hjá H71 við seks málum. Durita C. Jojic var toppskjútti hjá VÍF við átta málum.

Dysturin í Vágshøll millum VB og Stjørnuna byrjaði klokkan 15.

HER er dómaraseðilin frá HSF frá dystinum millum Neistan og Kyndil:

##med2##

HER er dómaraseðilin frá HSF frá dystinum millum H71 og VÍF:

##med3##