SMS: Tað endaði javnt millum EB og StÍF

Ein dystur var leiktur í SMS-deildini í kvøld.

Í høllin á Eiði møttust EB og StÍF. Dysturin endaði við javnleiki 18-18. Í steðginum var EB á odda 10-8.

Sanja Pajic hjá EB og Josefine Dyring hjá StíF skutu meir enn helvtina av málunum hjá sínum liðum.

Tær gjørdust báðar toppskjúttar hjá sínum liðum við 10 málum hvør. Liðfelagarnir hjá teimum skutu samanlagt bert átta mál.

Í morgin klokkan møtast VÍF og Kyndil í høllini í Vestmanna. Í annaðkvøld klokkan 18 tekur Neistin móti H71 í høllini á Hálsi í Havn. 

HER ber til at síggja dómaraseðilin hjá HSF frá dystinum á Eiði:

##med2##